VIDEO/ I shpallur në kërkim për 7 vjedhje në Tiranë, arrestohet 28-vjeçari

Policia e Tiranës ka bërë të mundur ndalimin e një 28-vjeçari të shpallur në kërkim për disa raste vjedhjesh të ndodhura në kryeqytet.

Shtetasi me iniciale N. D., banues në Tiranë, u lokalizua dhe u kap nga shërbimet e Komisariatit të Policisë Nr. 3, pas hetimeve të kryera mbi bazën e kallëzimeve të bëra nga qytetarë të ndryshëm.

Ai dyshohet si autor i 7 rasteve të vjedhjes, të kryera gjatë muajve janar, shkurt dhe prill 2025.

Sipas hetimeve, 28-vjeçari ka vjedhur tre celularë, dy portofola, aksesorë automjeti dhe produkte të ndryshme në një dyqan. Gjithashtu, ai akuzohet se i ka marrë nga qafa një varëse floriri një shtetaseje, në një tjetër rast.

Policia po vijon hetimet vijojnë për të dokumentuar edhe vjedhje të tjera të mundshme të kryera nga i riu.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Rrëzohet kërkesa për daljen nga “41-bis” e të dënuarit për masakrën e Urës Vajgurore
• Dalin pamjet e autorit të dyshuar të vrasjes së 58-vjeçarit në Vlorë