Rrëzohet kërkesa për daljen nga “41-bis” e të dënuarit për masakrën e Urës Vajgurore

Gjykata e Posaçme ka rrëzuar kërkesën e të dënuarit Fran Marashi, i cili kërkoi të dilte nga regjimi i ashpër 41-bis, ku mbahet i izoluar prej 13 dhjetorit 2024, me vendim të ministrit të Drejtësisë, Ulsi Manja.

Vendimi u dha nga gjyqtari Erjon Bani, në seancën e kësaj të mërkure, në orën 10:00.

Fran Marashi u dënua nga Gjykata e Posaçme kundër Korrupsionit dhe Krimit të Organizuar muajin e kaluar me burgim të përjetshëm, si person i përfshirë në masakrën e Urës Vajgurore më 17 qershor 1997, ku u vranë 4 policë dhe u plagosën 6 të tjerë.

Ngjarja e rëndë e asaj kohe u rigjykua sërish në Gjykatën e Posaçme, pas rikthimit të çështjes nga Gjykata e Lartë.

Përveç Fran Marashit, me burgim të përjetshëm janë dënuar edhe Musa Protoduari dhe Shkëlqim Protoduari, si dhe disa persona të tjerë me nga 25 vite burg.

LEXONI GJITHASHTU:

• Masakra e Urës Vajgurore ku u vranë 5 policë, SPAK kërkon burg përjetë për Marashin
• Futet në “41 biss” ish-komandoja, e “fundos” telefoni që iu gjet në qeli