Policia e Elbasanit ka arrestuar një 41-vjeçar i cili vodhi një sasi bakri në uzinën mekanike që administronte dhe më pas bëri denoncim të rremë në polici se shtetas të paidentifikuar kishin kryer vjedhjen.

“Menjëherë pas njoftimit nga administratori i një uzine mekanike në Bradashesh, se në kabinën elektrike të këtij subjekti, ishte vjedhur një sasi bakri, Komisariati i Policisë Elbasan kreu të gjitha veprimet hetimore dhe procedurale, me qëllim zbardhjen e autorësisë dhe rrethanave të rastit.

Nga hetimet dyshohet se autor i vjedhjes së sasisë së bakrit është administratori i uzinës, shtetasi A. R., 41 vjeç, banues në Elbasan, i cili ka telefonuar Policinë, për të njoftuar për vjedhjen nga shtetas të paidentifikuar, me qëllim fshehjen e të vërtetës”, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Restaurohet pas 4 dekadash në harresë, mbyllet Muzeu Etnografik i Elbasanit
• Morën para nga studentët, kush janë pedagogët nën hetim në universitetin e Elbasanit