Vodhi çantën me mijëra euro, arrestohet 65-vjeçari në Tiranë

Si rezultat i kallëzimit të menjëhershëm nga një qytetar, se në një lokal në rrugën “Mihal Duri” i kishin vjedhur çantën me një shumë të konsiderueshme eurosh, shërbimet e Komisariatit të Policisë Nr. 3 identifikuan dhe arrestuan autorin e dyshuar të vjedhjes.

Shtetasi i arrestuar është A. G., 65 vjeç.

Sipas raportimeve, çanta u gjet e fshehur në një rrugicë përgjatë Rrugës së Durrësit dhe u sekuestrua në cilësinë e provës materiale.

Ndërkohë, policia po punon për zbardhjen e vjedhjeve të tjera që mund të jenë kryer nga A.G.

Materialet procedurale janë referuar në Prokurori për veprime të mëtejshme.

LEXONI GJITHASHTU:

• PD Vlorë “përvesh mëngët” mbledh kryesinë, zbardhen emrat e kandidatëve për bashkinë
• IKMT rikthen fadromat në Theth, 35 objekte priten të shemben