Vodhi në Tiranë, Durrës e Elbasan, arrestohet 29-vjeçari nga Skrapari

Policia e Durrësit në bashkëpunim me atë të Elbasanit ka arrestuar një shtetas me precedent të theksuar për vjedhje në disa qarqe.

Në kuadër të operacionit të koduar Saga u vu pranga shtetasi Teki Halilaj, 29 vjeç, banues në Skrapar.

Ky shtetas Ditën e djeshme, në lagjen nr.13 të Durrësit ka vjedhur automjetin dhe celularin e shtetasit A. Sh., ndërsa në një hotel në lagjen nr. 14, ka vjedhur çantën me para dhe me sende personale të një turisti nga Bosnje Hercegovina, shtetasit A. T..

Gjithashtu, nga verifikimet e mëtejshme rezultoi se 29-vjeçari ishte në kërkim nga Policia e Tiranës, për 4 vjedhje.

Sekuestrohen makina, dy telefona, një medaljon floriri, një parfum, syze qe dyshohet se janë përfituar nga ky aktivitet.