Vodhi para dhe sende me vlerë në një lokal, e ‘pëson’ autori

Një 31-vjeçar ka rënë në prangat e policisë në Durrës, pasi dyshohet se është autori i vjedhjes së një shume parash dhe sendeve me vlerë në ambientet e një lokali.

Policia e Durrësit bën me dije se është proceduar penalisht dhe një shtetas tjetër, pasi dyshohet se duke pasur dijeni, përvetësoi sendet e vjedhura, me qëllim shitjen në dyqanin e tij.

Vijon puna për dokumentimin ligjor të vjedhjeve të tjera që mund të jenë kryer nga shtetasi në fjalë.

Materialet procedurale në ngarkim të tyre i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

“Si rezultat i veprimeve proceduralo-hetimore, u kap dhe u arrestua në flagrancë shtetasi A. G., 31 vjeç, banues në Durrës, pasi dyshohet se ka vjedhur një shumë parash dhe sende me vlerë (bizhuteri), në lokalin e një shtetasi.

Gjithashtu, për këtë rast, u referuan materialet në Prokurori ku nisi procedimi në gjendje të lirë për shtetasin Xh. A., 64 vjeç, banues në Shenavlash, Durrës, pasi dyshohet se duke patur dijeni se sendet janë të vjedhura, i ka përvetësuar ato, me qëllim shitjen në dyqanin e tij”, thuhet në njoftimin e policisë.

LEXONI GJITHASHTU: 

• Sherr me thika në Durrës, plagosen 2 persona
• Kokainë, heroinë, kanabis/ Përdorën lokalin për shitje droge, goditet grupi kriminal