Vodhi steka cigareje në një supermarket, arrestohet 30-vjeçari në Lushnjë

Një 30-vjeçar në Lushnjë është arrestuar këtë të shtunë, pasi vodhi 5 steka cigareje në një supermarket.

Pas një njoftimi të marrë nga salla operative se në orët e para të mëngjesit, një person i paidentifikuar ishte futur nga dritarja në një supermarket dhe kishte vjedhur disa steka cigaresh, shërbimet e Komisariatit të Lushnjës vijuan punën për identifikimin dhe kapjen e autorit.

Specialitët për Hetimin e Krimeve të Komisariatit Lushnjë kanë bërë të mundur identifikimin dhe më pas arrestimin në flagrancë të shtetasit D. Y., 30 vjeç, banues në Lushnjë, i dënuar më parë për vjedhje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• “Martinaj është jashtë loje”, Hoxha: Ky grup u shpërbë, rishpërndarje e re e basteve
• SPAK sekuestroi 41 milionë euro/ Hoxha: E papërfillshme për nivelin e krimit në vend