Presidentja e Komisionit Europian Ursula von der Leyen në konferencën  për mediat pas samitit BE-Ballkani Perëndimor, përgëzoi Shqipërinë për mikpritjen dhe organizimin e samitit të sotëm ndërsa theksoi mbështetjen e BE për rajonin.

Von der Leyen u shpreh se BE do të vijojë të qëndrojë në krah të rajonit për të përballuar krizën energjetike për shkak të luftë në Ukrainë.

“Paketa e re e BE-së e Mbështetjes për Energjinë, me një vlerë prej 1 miliardë euro në grante të cilat mund të sjellin 2,5 miliardë euro në investime, do të ndihmojë Ballkanin Perëndimor të zbutë ndikimin e krizës energjetike dhe të përshpejtojë tranzicionin energjetik në rajon”, tha Von der Leyen.

LEXONI GJITHASHTU:

• Charles Michel: Ballkani Perëndimor brenda BE-së, një e ardhme më e mirë për fëmijët
• Rama pas samitit: Ka një formë të re studimi në universitetet e Europës