Vota e diasporës/ Juristi Braho zbardh pretendimet që ngre Partia Demokratike

Juristi Ledio Braho, i ftuar në Euronews Albania foli lidhur me votën e diasporës, kryesisht atë të Greqisë.

Pavarësisht se Partia Demokratike vijon të pretendojë se ka parregullsi në procesin e votimit dhe numërimit, KQZ nga ana tjetër deklaroi se do vazhdojë procedura që të numërohen të gjitha votat.

Braho ndërkaq, ka shpjeguar pretendimet që ngre PD-ja lidhur me këto vota.

“Pretendimi i PD-së, të pakten sa i përket Greqisë është se nuk arrihet të provohet që është respektuar protokolli i përcaktuar nga KQZ-ja me DHL-në për dorëzimin e çdo zarfi kundrejt çdo votuesi në mënyrë individuale.

Nga 53 mijë zarfe që janë kthyer nga shteti grek, PD kërkon prova në lidhje me gjurmueshmërinë e çdo zarfi dhe me individualizimin e tyre. Kjo në mënyrë që të vërtetohet që secili nga këto 53 mijë zarfe është zarf që është marrë dhe kthyer nga votuesit.

Kërkesë tjetër e depozituar diten e djeshme është pretendimi se këto prova nuk janë vënë ende në dispozicion nga KQZ-ja.

Duhet të kemi parasysh që përveç Kodit Zgjedhor ka edhe disa vendime të Komisionit Rregullator të KQZ  lidhur me çdo proces për votën e diasporës.

Meqë numërimi ka vijuar dhe ka përfunduar sa i përket subjekteve zgjedhore, mendoj se PD çdo pretendim që do ketë për votën e diasporës, mund të ngrihet në fazën e ankimimit pasi kryekomisioneri  Ilirjan Celibashi të miratojë tabelat për cdo qark përkatës”, tha Ledio Braho.

LEXONI GJITHASHTU:

• Kush është klikuar më shumë nga liderët e partive të vogla? Përgjigjet eksperti
• Plagosja me thikë në Durrës/ Policia jep njoftim zyrtar