Votimi i ndryshimeve në kabinetin qeveritar, mbahet seanca plenare në Kuvend

Ka nisur seanca plenare në Kuvend ku pritet të votohen ndryshimet në qeveri, kryetarja dhe nënkryetari i ri i Kuvendit dhe kreu i ri i grupit të Partisë Socialiste.

Në seancën plenare, veç përfaqësuesve të mazhorancës, përfshi këtu edhe kryeministrin Edi Rama, të pranishëm janë edhe eksponentë të opozitës, mes të cilëve edhe Gazment Bardhi e deputetë të tjerë.

Kujtojmë se Elisa Spiropali u emërua kryetarja e re e Kuvendit, Bledi Çuçi nënkryetar, ndërsa Niko Peleshi, kreu i Grupit Parlamentar të PS.

Ndryshimet në qeveri Rama i lajmëroi gjatë fjalës së tij në Kongres dhe u dekretuan ditën e sotme nga Presidenti Bajram Begaj.

Ndryshimet në qeveri:

1. Taulant Balla do të emërohet minister Shteti për Marrëdhëniet me Parlamentin.
2. Ervin Hoxha do të emërohet ministër i Brendshëm.
3. Petrit Malaj do të emërohet ministër i Financave.
4. Pirro Vëngu do të emërohet ministër i Mbrojtjes.

LEXONI GJITHASHTU:

• Deputetët e PS firmosin propozimin për Elisa Spiropalin si kryetare e Kuvendit
• U tërhoq nga drejtimi i Kuvendit, Rama falënderon Lindita Nikollën: Bëri më të mirën