Voton Berisha: Pranvera e ndryshimit! Nesër merr fund monizmi i shëmtuar

Ish-kryeministri Sali Berisha dhe një nga drejtuesit e koalicionit “Bashkë fitojmë”, ushtroi këtë të diel të drejtën e votës në shkollën Kosovës. Ai u shfaq në qendrën e votimit së bashku me bashkëshorten e tij Liri Berisha. Pas votimit Berisha ka bërë edhe një thirrje për të gjithë shqiptarët.

“Një thirrje nga zemra për të gjithë qytetarët shqiptarë të flasin sot me votën e tyre për qeverisjen  vendore. Të gjithë ata që u ftuan nga armiku i egër i votës së lirë të shqiptarëve që të rrinë në shtëpi, të mos harrojnë se ky është një apel i madh që ata të marrin pjesë në votime. Ai që ka frikë votën, ai ka frikë lirinë dhe është armik i saj.

Ftoj zgjedhësit shqiptar të mos harrojnë se përsëritja e të njëjtit gabim e bën gabimin më të madh ndaj le t’ju prijë mençuria e tyre që të votoni për veten, familjen dhe vendin. Kjo është pranvera e ndryshimit! Nesër Shqipëria arkivon përfundimisht monizmin e shëmtuar në Shqipëri dhe kjo është ditë fitoreje për demokracinë shqiptare”,-tha Sali Berisha

LEXONI GJITHASHTU:

• “Kemi probleme në 532 qendra votimi”, Celibashi: Kemi bërë sa kemi pasur mundësi
• Ofendoi 4 persona, procedohet i lirë kandidati i “Bashkë fitojmë” për Kuçovën