Voton kryeministri Kurti: 4 vite të mbara e presin Kosovën

Albin Kurti ka votuar në qendrën e votimit në Fakultetin Juridik në Prishtinë, ndërsa ka thënë se do të punojë në fuqizimin e komunave.

Në deklaratën e tij pas votimit, kryeministri tha se Kosovën e presin katër vite të mbara e të mira.

“Si kryeministër i Republikës së Kosovës unë bashkë me qeverinë time do të punoj e bashkëpunoj shumë ngushtë në fuqizimin e komunave. Katër vite të mbara e të mira i presin qytetarët e Republikës së Kosovës anë e kënd Kosovës më te gjitha komunat ku ata jetojnë banojnë e punojnë,” – deklaroi Kurti.

Kurti i ka inkurajuar të gjithë qytetarët që të shfrytëzojnë të drejtën për të votuar dhe vendosur për të ardhmen e tyre.

LEXONI GJITHASHTU:

• ‘Mos e lini votën në shtëpi’, Haradinaj apel qytetarëve të marrin pjesë në zgjedhje
• Arrestohen katër persona në Kosovë për blerje vote
• Memli Krasniqi thirrje për pjesëmarrje sa më të madhe në zgjedhje