“Vrasës”! – Spanjollët godasin me baltë e shkopin kryeministrin dhe mbretin

Shumë zemërim në qytetin Paiporta të Spanjës, një nga zonat më të prekura nga përmbytjet, tragjedi e cila ka shkaktuar mbi 200 viktima.

Me dhjetëra banorë u përplasen me mbretin Felipe, mbretëreshën dhe kryeministrin Pedro Sanchez të cilët kishin shkuar për të vizituar zonat e tragjedisë.

Me kalimin e autokolonës zyrtare, disa qytetarë kanë nisur të hedhin sende dhe baltë ndaj udhëheqësve të vendit.

Më pas banorët shpërthyen duke bërtitur: “Vrasës! Vrasësit”, ndërsa kërkonin dorëheqjen e Pedro Sanchez.

“Bota po vdes dhe tani ju po vini” protestuan banorët, të cilët prej pesë ditësh po përpiqen të pastrojnë shtëpitë dhe mendojnë se institucionet i kanë braktisur.

Nga përmbytjet në Spanjë deri tani raportohet se kane humbur jetën 214 persona.