“Vrasësi” në Venecia, regjisori: I shqetësuar për grevën në Hollivud

Regjisori David Fincher parakaloi në tapetin e kuq për premierën botërore të filmit të tij aksion-thriller në edicionin e 80-të të Festivalit të Venecias.

Tre herë i nominuar për çmimin “Oscar”, Fincher ka prodhuar filmin “Vrasësi” bazuar në një novelë grafike franceze me të njëjtin titull.

Filmi rrëfen historinë e një vrasësi profesionit, i cili pas një gabimi lufton me punëdhënësit e tij, por edhe me veten, në një aventurë ndërkombëtare. Aktori Michael Fassbender është mjaft bindës si vrasës.

Nga ana e tij, regjisori Fincher shprehu shqetësimin për grevën në Hollivud.

“Jam shumë i trishtuar. Unë ndodhem mes dy palëve. Filmi im u realizua gjatë pandemisë dhe nuk dua që të xhiroj sërish një film i veshur me maskë dhe pajisje të tjera. Por, thënë kjo, sapo i mbyllëm tre vjet me probleme dhe më në fund po largohemi,” – tha ai.

Gjithashtu, në ditën e pestë të festivalit u shfaq filmi romancë “Bisha”, nga regjisori francez Bertand Bonelo.

Në film interpretojnë Léa Seydoux dhe George MacKay dhe ka pasur një pritje pozitive. Filmi tregon për tronditjen e shkaktuar nga teknologjia e re, që ndodhet në prag të zhdukjes së njerëzimit.

Festivali i Filmit në Venecia do të zgjasë deri më 9 shtator.

LEXONI GJITHASHTU:

• Festivali i filmit në Venecia/ Aktori aziatik Leung merr Luanin e Artë për karrierën
• Festivali i Filmit në Venecia, 23 filma do të garojnë për çmimin “Luani i Artë”