Vrasja e 15-vjeçarit në Gramsh, Gjykata vendos arrest me burg për 4 të miturit

Gjykata e Elbasanit ka dhënë masën e sigurisë arrest me burg për 4 adoleshentët e akuzuar për vrasjen e 15-vjeçarit Fatjon Bici disa ditë më parë në Gramsh.

Prokuroria e Elbasanit kishte dorëzuar në gjykatë kërkesën për caktimin e masës së sigurisë arrest me burg për katër të miturit e arrestuar për vrasjen e bashkëmoshatarit të tyre 15-vjeçar Fatjon Bici në Gramsh.

Ata akuzohen për vrasje në bashkëpunim dhe mbajtje pa leje e armëve të ftohta.

Në dëshminë e autorit të dyshuar, i mituri tha se ditën e ngjarjes ka shkuar në shkollë bashkë me tre shokët e tij.

Ai tregoi se 3 muaj më parë kanë pasur një konflikt te fusha e lodrave te makinat elektrike me një grup djemsh.

Bashkë me tre shokët e tij shkuan në qytetin e Gramshit dhe kanë pritur njërin nga djemtë me të cilin kishin pasur konflikt me qëllim që të sqaroheshin. Ky i fundit ishte kushëriri i viktimës i cili mbeti i plagosur në ngjarje.

LEXONI GJITHASHTU:

• Masat pas vrasjes në Gramsh, orë sensibilizuese në shkollat e gjithë vendit
• Viktima u qëllua në zemër, detaje nga sherri në Gramsh: Edhe 1 i plagosur