Vrasja e 58-vjeçarit në Greqi, dhuna e shqiptarit u filmua nga kamerat e sigurisë

Pamjet e kamerave të sigurisë janë publikuar nga mediat greke ku duket momenti i dhunimit të 58-vjeçarit nga 29-vjeçari shqiptar në Neos Kosmos. Në video shihet automjeti i 58-vjeçarit duke u ndjekur nga 29-vjeçari dhe një person tjetër me motoçikleta.

Në një moment shoferi humb kontrollin duke u përplasur me një automjet të parkuar. 29-vjeçari, i veshur me një helmetë të bardhë, i afrohet makinës, hap derën e shoferit dhe fillon ta rrahë 58-vjeçarin. Ai më pas humbi jetën pas plagëve të marra ndërsa pritet ekspertiza  mjeko-ligjore për të përcaktuar shkakun e saktë.

Zyra e Prokurorit ka ngritur akuzë për vrasje me dashje ndaj 29-vjeçarit. Ai rezulton i arrestuar në të kaluarën përsëri për incidente me shoferët. Dëshmitarët që panë dhunën u shprehën se i riu e goditi brutalisht viktimën.

“Sapo dëgjova një krismë, djali tjetër erdhi me motor dhe filloi ta godiste. E la aty. Burri nuk u ngrit më, ndaloi së marri frymë”, tha një dëshmitar.

LEXONI GJITHASHTU:

• Nis qarkullimi i gripit, ISHP: Pikun e presim në fund të muajit janar
• Grupi i pengjeve të liruara nga Gaza në Uashingtonin, pritet të takojnë Trump-in