Nis qarkullimi i gripit, ISHP: Pikun e presim në fund të muajit janar

Në Shqipëri ka nisur qarkullimi i gripit. Specialistët e ISHP bëjnë me dije se tashmë janë izoluar rastet e para me grip. Kurba e infektimeve me të gjitha viruset respiratore po ndjek një trajektore rritëse, por sipas ekpsertëve kulmi prite të arrihet në janar të 2026.

Specialisti i ISHP, Artan Simaku theksoi se duhet kontaktuar direkt mjeku sapo të shihen shenjat e para për të parandaluar format e rënda.

“Të gjithë janë të riskuar për tu prekur nga gripi, covid apo çdo virozë respiratore, ndaj specialistët kërkojnë kontaktin e menjëhershëm me mjekun që në shenjën e parë, kështu do të parandalojmë format e rënda por edhe të ndërpresim zinxhirin e infektimeve”, tha ai.

Simaku shtoi se vaksinimi mbron grupet e moshave që janë më të riskuara siç janë fëmijët dhe të moshuarit.

‘Në kuadër të masave parandaluese, specialistët e ISHP rekomandojnë injektimin e vaksinës, veçanërisht për grupet e riskut siç janë fëmijët nën 5 vjeç, të moshuarit, gratë shtatëzëna apo të sëmurët kronik”, tha ai.

Ata thonë se vaksina mbron nga format e rënda dhe vdekjet.

LEXONI GJITHASHTU:

• Prurje të larta, zgjerohet shtrati i lumit Vjosa! Pamje me dron nga Novosela (VIDEO)
• Ambasadori suedez nga Pogradeci: Mbështesim Shqipërinë drejt BE, ka bërë progres