Vrasja e 61-vjeçarit për borxhin, ish-zyrtari i policisë: S’jemi marrë me viktimën

Ish-drejtuesi i lartë i Policisë së Shtetit, Arjan Hoxha tha në Review për Euronews Albania se rasi i Marjeta Karajt, e cila bashkë me të birin dhe shokun e tij vrau të dashurin për një borxh prej 1 milion lekësh, nuk është zbardhur plotësisht.

Ai u shpreh se deri më tani nuk janë marrë me viktimën. Sipas drejtuesit të policisë i duhet kushtuar vëmendje edhe marrëdhënies së viktimës me persona të tjerë dhe në rast se ky i fundit kishte probleme me persona të tjerë.

“Kemi vetëm deklarimin e një personi që presupozohet që pas 5 vitesh, absolutisht është një ngjarje e rëndë dhe çdo person që mund të jetë i përfshirë mund të mbajë mend detaje,” – tha Hoxha.

Ndër të tjera ai shtoi se Besmir Karaj, i biri i Marjetës nuk është marrë në pyetje nga policia, ndërsa policia pasi ka referuar çështjen në prokurori, nuk është marrë më.

Viktima fshihej prej kohësh pasi kishte një borxh me vlerë 1 milion lekë të reja ndaj të dashurës Marjeta Karaj.

Marjeta Karaj së bashku me të birin, Besmir Karaj, dhe shokun e tij Gazmir Ngota sapo zbuluan se ku ndodhej 61-vjeçari arritën ta fusnin me forcë në makinë dhe më pas e çuan në zonën e Alliasit, ku e rrahën. Më vonë, Karaj dhe Ngota, e çuan në një zonë pyjore, në Kodër-Shupal ku e lidhën me litar dhe e dogjën.

LEXONI GJITHASHTU:

• Rasti i Marjeta Karajt, psikologia: Përmbush kriteret për të qenë vrasëse seriale
• Vrau të dashurin për borxhin, Karamuço: Marjeta Karaj mund të vuante nga…