Vrau të dashurin për borxhin, Karamuço: Marjeta Karaj mund të vuante nga…

Profesori i kriminalistikës, Ervin Karamuço tha për Review në Euronews Albania se rasti i Marjeta Karajt, e cila bashkë me të birin dhe shokun e tij vrau të dashurin për një borxh prej 1 milion lekësh, është ai që vuan nga çrregullime të personalitetit narcistik.

“Sa herë mua më pyesin studentët dhe kolegët, profesor nga cilat lloj femrash duhet të kemi frikë, femrat më të rrezikshme janë ato që vuajnëë nga çrregullime të personalitetit narcistik,” – u shpreh profesori i cili sqaroi se krenaria e sëmurë dhe arroganca janë disa nga tiparet dalluese të këtij karakteri.

Viktima fshihej prej kohësh pasi kishte një borxh me vlerë 1 milion lekë të reja ndaj të dashurës Marjeta Karaj.

Marjeta Karaj së bashku me të birin, Besmir Karaj, dhe shokun e tij Gazmir Ngota sapo zbuluan se ku ndodhej 61-vjeçari arritën ta fusnin me forcë në makinë dhe më pas e çuan në zonën e Alliasit, ku e rrahën. Më vonë, Karaj dhe Ngota, e çuan në një zonë pyjore, në Kodër-Shupal ku e lidhën me litar dhe e dogjën.

61-vjeçari u gjet pjesërisht i djegur dhe pjesërisht i dekompozuar në Kodër Shupal, vetëm disa kilometra larg Tiranës, në rrugën e Arbrit.

LEXONI GJITHASHTU:

• Si e njohin fqinjët Marjetën, vrasësen e të dashurit të saj për borxhin
• “Bariu identifikoi trupin e Uldedës”, Maçi zbulon çfarë pa policia te skena e krimit