Si e njohin fqinjët Marjetën, vrasësen e të dashurit të saj për borxhin

Asnjë nga fqinjët e Marjeta Karajt nuk kishte mendim të keq për të.

Pyetur nga gazetarja e emisionit Review në Euronews Albania, 4 zotërinjtë u shprehën se e njihnin si familjare të rregullt e të sjellshme.

Madje ata pohuan se të njëjtin mendim kishin edhe për fëmijët e saj.

Të katërt treguan se ishin ndjerë keq kur mësuan se Marjeta bashkë me të birin dhe shokun e tij kishin rrahur dhe më pas djegur Menduh Uldedën, i cili i kishte borxh 1 milionë lekë.

“Për mua ka qenë shumë e rregullt, edhe fëmijët i ka pasur të edukuar. Kemi shkuar mirë,” – u shpreh një nga fqinjët e saj.

“Sjelljet i ka pasur shumë të mira. Unë e kam njohur kështu pastaj se si i ka ajo problemet e di vetë,” – tha një tjetër fqinj.

“Ishin shumë të rregullt, familje e rregullt. U mërzitëm pak, nuk e prisja në asnjë mënyrë,” – u shpreh një tjetër.

“Unë nuk e prisja ta bënte atë gjë, ajo sillej mirë,” – tha një nga fqinjët.

Viktima fshihej prej kohësh pasi kishte një borxh me vlerë 1 milion lekë të reja ndaj të dashurës Marjeta Karaj.

61-vjeçari u gjet pjesërisht i djegur dhe pjesërisht i dekompozuar në Kodër Shupal, vetëm disa kilometra larg Tiranës, në rrugën e Arbrit.

Marjeta Karaj së bashku me të birin, Besmir Karaj, dhe shokun e tij Gazmir Ngota sapo zbuluan se ku ndodhej 61-vjeçari arritën ta fusnin me forcë në makinë dhe më pas e çuan në zonën e Alliasit, ku e rrahën. Më vonë, Karaj dhe Ngota, e çuan në një zonë pyjore, në Kodër-Shupal ku e lidhën me litar dhe e dogjën.

LEXONI GJITHASHTU:

• FOTO/ Ky është 61-vjeçari që u vra për 1 mln lekë, urdhri u dha nga e dashura
• Zbardhet vrasja e 2017| Rrëmbyen dhe dogjën 61-vjeçarin për borxhin, 2 në pranga