Zbardhet vrasja e 2017| Rrëmbyen dhe dogjën 61-vjeçarin për borxhin, 2 në pranga

Policia e shtetit ka zbardhur një vrasje të ndodhur në vitin 2017. Viktima, i identifikuar si Menduh Uldeda, në kohën e ngjarjes banues në Sarandë, u gjet pjesërisht i djegur dhe pjesërisht i dekompozuar në Kodër Shupal.

Lidhur me këtë krim janë arrestuar 2 persona Gazmir Ngota dhe Marjeta Karaj të dy banues në Tiranë si dhe u shpall në kërkim shtetasi Besmir Karaj, 34 vjeç, banues në Tiranë, djali i shtetases së arrestuar Marjeta Karaj (aktualisht jashtë shtetit).

Motivet e krimit lidhen me një borxh të pakthyer, që sipas burimeve ishte rreth 10 milionë lekë të vjetra.

“Nga tërësia e veprimeve hetimore, të kryera në kuadër të procedimit penal nr. 4682/2017, të rifilluar, rezulton se të 3 këta shtetas, në bashkëpunim me njëri-tjetrin, pasi kanë kontaktuar në zonën e Xhamllikut shtetasin Menduh Kurt–Deda, i cili fshihej prej kohësh si pasojë e një borxhi të pashlyer, e kanë marrë me forcë në automjet dhe kanë shkuar në zonën e Alliasit, ku kanë ushtruar dhunë ndaj tij. Më pas, shtetasit B.K. dhe G.N. e kanë transportuar shtetasin Menduh Kurt–Deda në një zonë pyjore, në vendin e quajtur “Kodër Shupal”, ku pasi e kanë dhunuar dhe lidhur 61-vjeçarin, e kanë djegur atë me lëndë djegëse”, sqaroi policia.

LEXONI GJITHASHTU:

• PD: Agresori i Berishës i infiltruar nga Policia e Shtetit, kemi burime të besueshme
• Sistemi TIMS nuk u sulmua, sqaron Policia e Shtetit