Vrasja e 68-vjeçarit në Greqi, i riu: Pas abuzimit më tha se s’do më besojë askush

22-vjeçari, i cili u arrestua si bashkëpunëtor në krimin e rëndë, dha versionin e tij për atë që ndodhi në kampingun në Finikounda para dhe pas vrasjes së pronarit 68-vjeçari. Nga kjo ngjarje humbi jetën edhe një shqiptar i cili tentoi të largohej por u ekzekutua nga autori.

Sipas deklaratave i akuzuari pretendon se në vitin 2022 takoi nipin e viktimës në një dyqan ushqimesh në Athinë, ku ai punonte. Në verën e të njëjtit vit, ai i kërkoi atij ta strehonte në kampingun në Finikounda.

Gjatë qëndrimit të tij në kamping, atij iu afrua natën e tretë pronari dhe e abuzoi seksualisht. Ai filloi të bërtiste dhe më pas viktima nxori disa kartëmonedha nga xhepi i tij, i dha 400 euro.

“Merri këto që të mos flasësh. Kujt do t’i besojnë, ty që je 18 vjeç apo mua që kam qenë këtu për pesëdhjetë vjet?” ka thënë pronari i kampingut sipas të riut.

Të nesërmen, i riu u largua nga kampingu dhe u kthye në Athinë. Ai është shprehur se u përfshi me drogë për shkak të incidentit pasi nuk mundi ta kapërcente. 22-vjeçari më pas tha se është përpjekur të marrë para nga 68-vjeçari të cilat ishin të pasuksesshme dhe kulmuan ditën kur ndodhi krimi.

22-vjeçari kishte vendosur një revolver argjendi dhe një paruke bjonde. Më pas ata u zhvendosën drejt Finikoundës dhe kur mbërritën në kamping. I riu vuri paruken bjonde dhe hyri në kamping, ndërsa bashkëpunëtori i tij po e priste në motoçikletën kishin parkuar në hyrje të kampingut. Pas ngjarjes ata u larguan, pas disa metrash i riu ka ndaluar për të ndërruar rrobat dhe ka shkuar drejt Kalamatës e më pas në Athinë.

LEXONI GJITHASHTU:

• Vrasja e shqiptarit në Greqi, dy dëshmitarët përshkrime të ndryshme për autorin
• Vrasja e shqiptarit në Greqi, dorëzohet i riu: Pronari i kampingut abuzoi me mua