Vrasja e Ardian Nikulaj, gazetarja: S’është gjakmarrje, e vrau vrasësi me pagesë

Gazetarja Brunilda Dibra tha për Euronews Albania se vrasja e biznesmenit Ardian Nikulaj që u ekzekutua në lokalin e tij, nuk është gjakmarrje.

Gazetarja ju referua Kanunit dhe sipas saj, gjaku lahet vetëm nga familja dhe jo nga vrasës me pagesë, ndaj vrasja e biznesmenit mund të jetë hakmarrje për konflikte të mëparshme, por nuk duhet të quhet gjakmarrje.

“Në rastin konkret për vetë mënyrën se si është bërë vrasja e zotit Nikulaj që është  bërë me porosi dhe jo nga familjarët që kanë qenë në kionflikt gjakmarrje me viktimën, unë nuk do  vlerësoja si vrasje për gjakmarrje.

E them këtë pasi sipas Kanunit, pavarësisht se ne kemi pasur raste kur kanuni është shkelur në veri, ku janë vrarë gra fëmijë, apo njerëz në besë. në rastin e Nikulaj, të paktën sipas Kanunit, gjaku merret nga familja dhe nuk mund të merret gjaku nga vrasës me porosi”,-tha Brunilda Dibra.

LEXONI GJITHASHTU:

• 3 gazetare në gjyq në Iran, akuzohen për “propagandë kundër sistemit”
• Hasmëria Nikulaj-Lestakaj, pajtuesi i gjaqeve: Ardiani më ka takuar, donte pajtim