Vrasja e Gentian Bejtjas/ Gjykata e Tiranës liron njërin nga të ndaluarit

Gjykata e Tiranës ka pranuar kërkesën e avokatit Sokol Tahiraj për lirimin e Edison Haxhiut, i cili ishte arrestuar si i dyshuar për bashkëpunim në vrasjen e Gentian Bejtjas. Me vendimin e fundit, trupa gjykuese ka shuar masën e sigurimit të dhënë me vendimin nr. 764, datë 21 mars 2024, duke e liruar nga masa e arrestit.

Haxhiu akuzohej për ndihmë ndaj Ilir Beqarit. Ky i fundit dyshohet se ka përdorur mjetin golf që largoi autorët e vrasjes pas djegies së makinës ‘Land Rover’ që përdorën në vrasje.

Ndërkohë, Edison Haxhia akuzohet për sigurim të kushteve dhe mjeteve për të kryer vrasjen si pronar i automjetit Golf.

Gentian Bejtja, ish-punonjës policie dhe i njohur si figurë e përfshirë në botën e krimit, u vra pasditen e së premtes, më 15 mars 2024, në banesën e tij në fshatin Larushkë. Ai u qëllua me breshëri plumbash në pjesën e pasme të shtëpisë, teksa ndodhej në oborr.

Pas atentatit, autorët u larguan në drejtim të fshatit Hasan, vetëm pak metra larg vendit të krimit, ku më pas dogjën automjetin që përdorën për t’u larguar, në përpjekje për të humbur gjurmët.

Policia ndërkohë po vijon hetimet lidhur me këtë ngjarje.

LEXONI GJITHASHTU:

• I fundit që takoi Ervis Martinajn, Gjykata e Lartë refuzon rekursin për Jeton Lamin
• Përfaqësues të Ministrisë së Brendshme dhe Policisë së Vlorës mbledhje në Sarandë