Vrasja e Martin Çeços, gjykata lë në qeli Martina Pajollarin

Gjykata e Korçës ka lënë në qeli Martina Pajollarin, e cila dyshohet të jetë bashkëpunëtore në vrasjen e Martin Çeços së bashku me tre të arrestuarit e tjerë.

Burimet konfirmojnë se vajza ka qenë arsyeja e konfliktit mes viktimës dhe autorit kryesor Valter Mollaj.

Nga hetimet ka rezultuar se e reja mbante lidhje të dyfishtë, ndërsa në sy të Valterit shprehej se Martini e detyronte për të qëndruar me të, gjë që nuk rezulton e vërtetë.

Ndërkohë Pajollari ka qenë e pranishme në momentin që Valteri me 2 të arrestuarit e tjerë bënin planin për vrasjen e Martinit.

Sipas informacioneve ajo ka qenë gjithashtu e pranishme në momentin që u krye vrasja.

Ajo nuk denoncoi pranë organeve kompetente ngjarjen e rëndë.

LEXONI GJITHASHTU:

• “Tina i dërgonte foto varri djalit”, i ati i Martin Çeços tregon detajet tronditëse
• Detaje tronditëse, Martina mbante lidhje të dyfishtë, e pranishme në vrasjen e Çeços
• Arrestohet e dashura e Martin Çeços, të riut që u vra nga bashkëfshatarët