Vrasja e Nikulaj, gazetari: Flitet hasmëria, pse s’përmendet tenderi

Gazetari Lavdrim Lita tha se për vrasjen e Ardian Nikulaj flitet shumë për hasmërinë që ai ka patur, por nuk flitet për tenderin.

Ai tha për Euronews Albania se biznesmeni i cili u ekzekutua disa ditë më parë në lokalin e tij, ka fituar tenderin e pastrimit të Shëngjinit, e cila sipas tij është një kontratë për 500 milionë lekë vjetore

“Në posterat elektoral të partisë Social Demokrate, në Lezhë, del fotografia e Tom Doshit, pra e kryetarit të partisë dhe emri Ardian Nikulaj poshtë. Ç’ka do të thotë që ai ishte anëtar politik dhe dëshironte të ishte anëtar i këshillit bashkiak në Lezhë.

Por kjo nuk e pengonte që ai të bënte thirrje për kandidatin për kryetar bashkie. Kjo ishte ndryshim i partnerit politike, sepse ai ishte në marrëdhënie biznesi apo kontraktuale me bashkinë e Lezhës, përmes tenderit të pastrimit të Shëngjinit. Shumë media e shikojnë si gjë të vogël, por në fakt po flasim për një kontratë 500 milionë lekë vjetore, pra jo pak për një zonë si zona e Shëngjinit”,-tha gazetari Lita.

LEXONI GJITHASHTU:

• Dyshimet mbi anglezin/ Lita: Duhet verifikuar, armiqtë e Nikulaj jetojnë në Angli
• Tritoli në Shkodër dhe vrasja e Nikulaj, Balla: Sekretet hetimore po dalin në media