Vrasja e Nikulajt, arrestohet në Londër anglezi i shpallur në kërkim

Është arrestuar në Londër Harry Simpson, personi i fundit i shpallur në kërkim për vrasjen e biznesmenit Ardian Nikulaj  në Shëngjin, më datë 19 prill 2023.

Policia bën me dije se 32-vjeçari do të ekstradohet drejt vendit tonë.

Gjykata e Rrethit Gjyqësor Lezhë ka caktuar për anglezin masën e sigurisë “Arrest në burg”, për veprat penale “Vrasja për gjakmarrje”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Ky shtetas ishte shpallur në kërkim, pasi akuzohet se në bashkëpunim me 5 shtetas të tjerë (në rolet e porositësit, ekzekutorit dhe 3 bashkëpunëtorëve të tjerë), ka qenë i implikuar në vrasjen e Nikulajt.

6 urdhër arrestet e ekzekutuara për ngjarjen:

1. Edmond Haxhia, me shtetësi shqiptare dhe britanike
2. Ruben Saraiva, shtetas portugez
3. Harry Simson, shtetas britanik
4. Harriet Bridgeman, shtetase britanike
5. Thomas Mithan, shtetas britanik
6. Steven Hunt, shtetas britanik

LEXONI GJITHASHTU: 

• Vrasja e Ardian Nikulajt, Tom Doshi: Do ta çojmë në vend amanetin e tij
• Arrestohen 3 nga personat e shpallur në kërkim për vrasjen e Ardian Nikulajt