Vrasja e policit, Hasani: Akt kriminal që kërcënon rajonin, jemi krah Kosovës

Ministri i Jashtëm Igli Hasani ka reaguar pas ngjarjes së rëndë në veri të Kosovës ku një polic mbeti i vrarë dhe një tjetër u plagosur pas sulmit me armë.

Përmes një postimi në Twitter, Hasani shprehet se akti i sotëm është një kërcënim për sigurinë e stabilitetin e rajonit, ndërsa thekson se Shqipëria është në krah të Kosovës në këto momente të vështira.

“Dënojmë me ashpërsi sulmin me armë ndaj Policisë dhe shtetit të Kosovës. Ngushëllimet tona për familjen e oficerit të Policisë që humbi jetën në krye të detyrës dhe shërim të shpejtë efektivit të plagosur. Akti i sotëm kriminal është kërcënim për sigurinë e stabilitetin e rajonit tonë dhe autorët duhet të përballen sa më parë me drejtësinë. Shqipëria është në krah të Kosovës në këto momente të vështira që kërkojnë gjakftohtësi, në bashkëpunim të ngushtë me aleatët e partnerët.

LEXONI GJITHASHTU:

• “Të vdesësh për atdhe, si të rilindësh”, reagon familja e policit të vrarë në Veri
• Strukturat e sigurisë: Sulmi në Veri nga njësi të specializuara të Serbisë