Vrasja e rreshterit në Kosovë, dalin sot para Gjykatës 6 të dyshuarit

Të dyshuarit për planifikimin dhe kryerjen e vrasjes së rreshterit policor, Muhamed Lika, të shoqëruar nga Njësia Speciale Operative e Policisë së Kosovës kanë arritur në objektin e Gjykatës Themelore në Ferizaj.

Të arrestuarit H.B, E.L, Sh.K, R.M, D.G dhe V.Ç sot do  të dalin para gjykatës në seancën dëgjimore, e cila do të mbahet e mbyllur për media.

Të hënën në Kaçanik, janë arrestuar shtatë persona të cilët dyshohet për planifikimin dhe kryejen e vrasjes së rreshterit policor, Muhamed Lika.

Seanca dëgjimore do të mbahet sot me fillim nga ora 13:00.

Ndërkaq dje, Gjykata Themelore në Ferizaj, Departamenti për të mitur, ka aprovuar kërkesën e Prokurorisë Themelore të Ferizajt, për caktimin e masës prej një muaj paraburgim kundër të miturit Rejan Bela, si i dyshuar kryesor për vrasjen e rreshterit Muhamed Lika, më 1 prill në Kaçanik.

LEXONI GJITHASHTU:

• FOTO| Vrasja e rreshterit në Kosovë, kush është 18-vjeçari i dyshuar si ekzekutor
• Një vit nga Banjska, Vjosa Osmani kujton rreshterin e vrarë nga sulmi