Vrasja e të dënuarit në Peqin, FNSH mësyn në burgun e sigurisë së lartë të Drenovës

Kontrolle në burgun e sigurisë së lartë në Drenovë. 3 mjete të Forcave të Ndërhyrjes së Shpejtë kanë shkuar drejt burgut të juglindjes së vendit, për kontrolle të rrepta për armë dhe sende të paligjshme.

Kontrollet vijnë pas ngjarjes së rëndë të ndodhur sot në burgu e Peqinit, ku një i dënuar vrau me armë zjarri një të dënuar tjetër dhe plagosi një.

Burime bëjnë me dije se kontrolle të imtësishme do kryehen në të gjithë burgjet e sigurisë së lartë në vend.

Arben Lleshi, i dënuar me burgim të përjetshëm, mbeti i vdekur pas përleshjeve mes të dënuarve në burgun e Peqinit.

Autor i krimit është i dënuari tjetër me burgim të përjetshëm Sokol Mjacaj, i cili në vitin 2015 vrau 2 turistë çekë në tentativë për t’i grabitur.

LEXONI GJITHASHTU:

• Vrasja me armë brenda burgut të Peqinit, reagon për herë të parë ministri Manja
• Vrau Arben Lleshin në burgun e Peqinit, rrëfehet para kryeprokurorit autori Mjacaj