Vrasja e të moshuarit në azil, lirohen infermieret, shtrim në psikiatri për autorin

Gjykata Penale e Tiranës ka caktuar masën e sigurimit arrest në shtëpi për dy infermieret Glesantina Saraçi dhe Nazime Mulla, të cilat tentuan të fshehin vrasjen e 82-vjeçarit në një azil të moshuarish në Tiranë.

Ndërkohë, për autorin Zyhdi Shehi u caktua masa e sigurimit shtrim i detyrueshëm në psikiatri.

Zyhdi Shehu 78 vjeç vrau me shkop shokun e dhomws Virxhil Vesho, 82 vjeç pas njw konflikti me njërin-tjetrin për krevatin.

“Pse më ke zënë krevatin”- mësohet t’i ketë thenë Shehu 82-vjeçarit, përpara se ta qëllonte për vdekje me një bastun.

Autori e ka qëlluar disa herë në pjesë të ndryshme të trupit dhe në kokë, duke e lënë 82-vjeçarin të vdekur në vend.

Autori dhe viktima vuanin nga skleroza.

LEXONI GJITHASHTU:

• Fshehën vrasjen në azil, dëshmia e infermiereve pas arrestimit: Menduam se u rrëzua
• Arrestimi i infermiereve në azilin ku u vra i moshiuari, zbardhen akuzat