“Vrasja e vajzës ishte bekim”, izraeliti bashkohet me të bijën e liruar nga Hamasi

Kryeministri irlandez Leo Varadkar tha se ishte një ditë “gëzimi dhe lehtësimi i madh” pas lirimit të 9-vjeçares Emily Hand, një shtetase e dyfishtë irlandeze-izraelite.

“Kjo është një ditë gëzimi dhe lehtësimi të madh për Emily Hand dhe familjen e saj. Një fëmijë i pafajshëm i humbur tani është gjetur dhe është kthyer. Lutjet tona kanë marrë përgjigje”, postoi Varadkar në rrjetet sociale.

Hand kishte qenë në shtëpinë e shoqes së saj në kibucin e Be’erit kur militantët e Hamasit sulmuan më 7 tetor.

Fillimisht besohej se ajo ishte në mesin e të vrarëve në sulm. Por në fillim të këtij muaji, ushtria izraelite njoftoi babanë e saj se besonin që ajo ishte ende gjallë dhe se ishte kthyer nga Hamasi në Gaza.

Thomas Hand, babai i të miturës në një intervistë CNN pak ditë pas sulmit të Hamasit. kishte treguar momentin që më në fund iu tha se trupi i vajzës së tij ishte gjetur – dhe tha se reagimi i tij ishte një lehtësim që ajo nuk ishte rrëmbyer.

“Ata thanë: “E gjetëm Emily-n. Ajo ka vdekur, dhe unë thjesht thashë ‘Po!’ dhe buzëqesha, sepse ky është lajmi më i mirë mes atyre që mendoja”, qe shprehur Hand në atë kohë.

LEXONI GJITHASHTU:

• Babai izraelit: E rrita vajzën 8 vjeçe i vetëm, ma vrau Hamasi teksa flinte
• Izraeliti që përloti botën: Vdekja e vajzës ishte bekim për mua…