Vrasja e vajzës së mikut të Putin, akt intimidimi ndaj rusëve për luftën në Ukrainë

Komisioni hetimor për rajonin e Moskës ka deklaruar se shpërthimi i natës së të shtunës, ku humbi jetën Daria Dugina u shkaktua nga një bombë e vendosur poshtë automjetit të saj.

29-vjeçarja ishte vajza e Alexander Dugin, një nacionalist mbështetës i Putin dhe i luftës në Ukrainë. Për analistët, incidenti duhet të perceptohet si një akt intimidimi ndaj qytetarëve rusë.

“Për aparatin e propagandës, ky është një akt intimidimi. Në përgjithësi, për votuesit besnikë është një akt simbolik që tregon se aktet armiqësore po transferohen në territorin e Rusisë, që do të thotë se lufta në Ukrainë nuk është më diçka abstrakte që shihni në televizor, por diçka që po ndodh edhe në Rusi. Jo vetëm Krimea po bombardohet, por edhe rajoni i Moskës”, thotë Abbas Gallyamov, analist politik

Daria Dugina shprehte opinione të ngjashme me të atin dhe ishte analiste në televizionin nacionalist Tsargrad.

Shpërthimi ndodhi teksa ajo po kthehej nga një festival kulturor ku kishte qenë e pranishme bashkë me të atin.

LEXONI GJITHASHTU:

• Babai me duart në kokë, si u ekzekutua vajza e ‘ideologut shpirtëror’ të Putinit