Vrasja në Greqi, i riu pas ngjarjes u pa në stacionin e autobusëve në Kalamata

22 Tetor 2025 | 15:24

Autoritetet hetimore dhe policore greke kanë hetuar rrugën që ndoqi 22-vjeçari pas vrasjes së dyfishtë në kampingun në Finikonda të Greqisë. Një nga të pendehurit i dyshuar si autor i vrasjes është shprehur gjatë dëshmisë se u arratis drejt Kalamatës duke notuar.

Dëshmia e tij ka lënë shumë pikëpyetje rreth arratisjes së tij.  Fillimisht ai u kthye duke notuar dhe më pas duke ecur deri në Kalamata.

“Di të notoj për orë të tëra, kam edhe shërbim në Forcat Speciale”, tha ai gjatë dëshmisë.

Pamjet e publikuara një ditë pas vrasjes tregojnë 22-vjeçarin i cili shihet duke ecur jashtë stacionit të autobusëve në Kalamata pasditen e 6 tetorit. Ai kishte të veshur rroba të ndryshme nga ato të natës së krimit.

Dy 22-vjeçarët u lanë në paraburgim pas 16 orësh deklarimesh. Gjykatësi hetues dhe prokurori vendosën të ndalojnë përkohësisht dy 22-vjeçarët pas një procesi maratonë që zgjati afërsisht 16 orë, i cili filloi në mesditë të së dielës dhe përfundoi në orën 4 të mëngjesit të së hënës.

Gjatë deklarimeve të tyre, dy të rinjtë – 22-vjeçari greko-britanik dhe i pandehuri i tij 22-vjeçar, i cili u dorëzua vullnetarisht – paraqitën pretendimet e tyre në lidhje me pjesëmarrjen e tyre në krim, ku njëri fajësoi tjetrin se ishte futur në vendin e ngjarjes natën fatale.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Një sagë familjare e mbushur me intriga dhe vrasje: Pse Kim Jong-un nuk flet kurrë për nënën e tij “japoneze”

Spektri i nënës e ndjek Kim Jong-un. Marshalli-President i Koresë së Veriut është paraqitur para popullit të tij si një baba shembullor, duke ekspozuar bashkëshorten...
22:36 | 29/06/2026

Ministri izraelit i Mbrojtjes: Trump lidhi konfliktet e Iranit dhe Libanit pavarësisht kundërshtimit tonë

Ministri i mbrojtjes i Izraelit tha të hënën se presidenti i SHBA-së, Donald Trump këmbënguli në lidhjen e luftërave në Liban dhe Iran gjatë bisedimeve...
22:28 | 29/06/2026

Irani i përgjigjet Macron: Franca të mos provokojë situatën në Hormuz, çminimin e bëjmë vetë

“Çminimi i Ngushticës së Hormuzit është një operacion që do të kryhet ekskluzivisht nga Irani, në përputhje me Memorandumin e Mirëkuptimit (MoU) midis Teheranit dhe...
22:20 | 29/06/2026