Një person ka mbetur i vrarë me armë zjarri mëngjesin e së dielës në Lezhë.
Policia tha se ngjarja ndodhi në fshatin Tale ku shtetasi P. K., rreth 57 vjeç, banues është qëlluar me armë zjarri teksa po futej në oborrin e banesës së tij me automjet.
“Nga veprimet e para hetimore dyshohet se ngjarja ka ndodhur para banesës së tij, në kohën që shtetasi P. K., po kthehej për në banesë me automjetin e tij. Menjëherë pas marrjes së njoftimit, në vendngjarje janë nisur shërbimet e Policisë vendore të mbështetura nga Forca Kombëtare e Sigurisë, Njësia Shkodër. Ndërkohë është ngritur një grup i posaçëm hetimor i cili ka shkuar në vendin e ngjarjes, dhe nën drejtimin e Prokurorit, po kryejnë veprimet hetimore me qëllim zbardhjen e ngjarjes, identifikimin dhe kapjen e autorit”, tha policia.
LEXONI GJITHASHTU:
- Dëshmia e shqiptarit për vrasjen e noteres greke: Tentuam ta grabisnim, por…
- U arrestua në Lalëz, kush është Flobens Meçja: Plani 5 mln € për vrasjen e “Krymit”