Vrasje me armë zjarri në Nikël, policia në kërkim të autorit

Një ngjarje e rëndë është regjistruar pasditen e kësaj të premte në Fushë-Krujë në Nikël. Mësohet se autori i identifikuar si Eduart Afmataj ka vrarë Artur Çangun.

Në një njoftim paraprak, policia bën me dije se ngjarja ka ndodhur rreth orës 18:15 në fshatin Vrion, Nikël. Sipas policisë, 33-vjeçari Ahmataj gjatë një konflikti për motive të dobëta ka vrarë me armë 48-vjeçarin Çangu.

Efektivët po punojnë për kapjen e autorit. Grupi hetimor ndodhet në vendngjarje dhe punon për sqarimin e plotë e rrethanave të rastit.

“Krujë/Informacion paraprak .Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta ka vrarë me armë shtetasin A. C.

Shërbimet e Policisë vijojnë kontrollet për kapjen e autorit të dyshuar shtetasit E. A. Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij”, njofton policia.