Vrau 2 turistët çekë, Manja jep urdhërin për Sokol Mjacajn: Të izolohet

Ministri i Drejtësisë, Ulsi Manja, ka urdhëruar vendosjen në regjimin e posaçëm (modeli italian 41 bis) të një tjetër të dënuari, Sokol Mjaçaj, i cili vuan dënimin me burgim të përjetshëm në burgun e sigurisë së lartë IEVP “Peqin”. Macaj është dënuar për vrasjen e dy turistëve çekë në korrik 2015 në tentativë për t’i grabitur.

Ministri i Drejtësisë është shprehur se do të zbatojë me rigorozitet ligjin për vendosjen në regjimin e posaçëm (41/b) për të gjithë ata të paraburgosur dhe të dënuar që cënojnë rendin dhe sigurinë, apo që vazhdojnë aktivitetin kriminal brenda i IEVP-ve.

“Asnjë tolerancë! Do të zbatoj me rigorizitet ligjin. Mesazhi im është i prerë: Të dënuarit që cënojnë sigurinë e institucionit apo që vazhdojnë aktivitetin kriminal do të përballen me pasojat, menjëherë në regjimin e posaçëm 41/b, pavarësisht emrit apo veprës për të cilën janë dënuar!” – tha Manja.

LEXONI GJITHASHTU:

• Pjesë e bandës së “babagjyshëve”, Manja firmos urdhrin për Ilir Kupën: Të izolohet
• Kush ishte Liridona dhe Naimi? Detajet e pathëna për vrasjen në Kosovë