Vrau bashkëfshatarin për pronat, lihen në burg 63-vjeçari në Pogradec

Gjykata e Pogradecit vendosi masën ‘arrest me burg’ për Fatmir Manellari, i akuzuar për  vrasjen e Safet Hyskollari.

Më datë 7 Shtator  të këtij viti, 63-vjeçari vrau bashkëfshatarin e tij Hyskollari në Pogradec për konflikt kufiri të pronave.

Ndërkohë para togave të zeza është përlotur duke thënë se vrasjen nuk e ka bërë me dashje.

Autori tha se gjithçka ndodhi në vetëmbrojtje, pasi ai u sulmua i pari nga Hyskollari.

“Nuk e kam bërë vrasjen me dashje. Janë kamerat, ai më sulmoi unë jam vetëmbrojtur. Ai më goditi me gur i pari në kurriz,” u shpreh Manellari i cili gjatë seancës qëndronte kokëulur dhe i përlotur.

Një konflikt disavjeçar për pronën i mori jetën para dy muajve shtetasit Safet Hyskollari nga fshati Gështenjas i Pogradecit.

Autori i ngjarjes Fatmir Manellari, bashkëfshatar me viktimën pas ngjarjes u arratis për afro dy muaj.

Sipas informacioneve, ai jetoi në pyll midis Maliqit dhe Lozhanit, ku humbi kontaktet dhe me familjarët e vet.

Pas dy muajve, u arrestua nga policia e Pogradecit në shtëpinë e vet, ku kishte shkuar për të marrë lekë për furnizime.

LEXONI GJITHASHTU: 

• Vrau me thikë bashkëfshatarin në Pogradec, arrestohet pas 2 muajsh Fatmir Manellari
• Vrau fqinjin sa doli nga banesa, asnjë gjurmë nga autori në Pogradec