Një grua 27-vjeçare, Vanessa Ballan, u gjet e vdekur në fshatin Spineda di Riese Pio X, në provincën e Trevisos. E reja jetonte në shtëpi me të shoqin, Nicola Scapinello, i cili ishte në krah të saj dhe në gjendje shoku.

Alarmi u ngrit nga një fqinj i cili telefonoi 118. Ajo ishte goditur disa herë me thikë dhe si i dyshuar është një shtetas i Kosovës, i cili ka pasur njohje të mëparshme me viktimën.

Sipas SKY News i dyshuari për vrasjen e Vanessës është Bujar Fandaj, 41 vjeç. Policia është ende në kërkim të tij. Duket se Vanessa Ballan e njihte dhe e kishte denoncuar për ndjekje tetorin e kaluar.

Ishte bashkëshorti i saj, Nicola Scapinello, ai që ua tregoi këtë gjë hetuesve. I dyshuari, i cili jeton në Altivole, një komunë në kufi me Riese, me sa duket është larguar nga vendi i krimit.

Sipas asaj që doli nga kontrolli, Vanessa u rrah në fytyrë dhe më pas u godit me të paktën shtatë plagë të thella me thikë në gjoks. Ka lëndime të shumta mbrojtëse në duart e gruas, duke konfirmuar se sa dëshpërimisht u përpoq të shpëtonte veten.

Partneri i saj, i cili ishte me të në shtëpi, është në gjendje shoku, por ka arritur të japë informacione të dobishme për hetuesit që janë në kërkim të vrasësit. Arma e vrasjes ende nuk është gjetur.

Çifti, i martuar që prej nëntorit 2012, ka një djalë 4-vjeçar, prania e të cilit në momentin e krimit nuk u konstatua dhe banonte prej vitesh në fshatin e vogël të Riese. Është një lagje e vogël banimi me shtëpi gjysmë të ndara, dhe një parukeri, të cilën 27-vjeçarja e frekuentonte. Vanessa ishte shtatzënë për disa muaj dhe punoi si shitëse në Eurospin në Castelfranco”, tha guvernatori i Venetos, Luca Zaia.

LEXONI GJITHASHTU:

• Goditen “bandat e bebeve” në Itali, 50 të arrestuar për krime të dhunshme dhe drogë
• EMRI| E dënuar për marrëdhënie seksuale me dhunë, arrestohet 30-vjeçarja në Lushnjë