Vrau me thikë 20-vjeçarin në Tiranë, vetëdorëzohet në polici 18-vjeçari

Është vetëdorëzuar në polici 18-vjeçari Axel Hoxha i akuzuar për vrasjen e 20-vjeçarit Stivën Toshkëzi 3 ditë më parë më Tiranë.

Policia tha se si rezultat i presionit të kontrolleve të pandërprera nga shërbimet e Policisë dhe falë negociatave të vazhdueshme me familjarët, ditën e sotme, është vetëdorëzuar shtetasi Axel Hoxha, 18 vjeç, banues në Tiranë.

Ngjarja ndodhi dy ditë më parë në rrugën “Skënder Sallaku”, ku në bashkëpunim me shtetasin Ensi Maze, 18 vjeç, (arrestuar disa orë pas ngjarjes), kanë goditur me mjet prerës shtetasin Stivën Toshkëzi 20 vjeç, i cili si pasojë ka ndërruar jetë.

Dy të rinjtë Ensi Maze dhe Axel Hoxhaj, i bën pritë 20-vjeçarit Stivën Toshkëzi kur ai po kthehej nga puna dhe debati agravoi në përdorimin e thikës.

Ensi Maze i cili ra në prangat e policisë pak orë pas ngjarjes, ka deklaruar përpara oficerëve të policisë gjyqësore se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij, Axel Hoxha.

Pasi ka takuar shokun e tij Axelin, ai i ka treguar se para disa kohësh ka pasur një konflikt me viktimën dhe pretendonte se e ky i fundit e kishte rrahur.

Më tej Maze ka deklaruar se motivi i konfliktit të tyre ishte një vajzë të cilën e pëlqente Axel Hoxha që e kishte në të njëjtën klasë, por ajo ishte në një marrëdhënie me viktimën.

LEXONI GJITHASHTU:

• ‘Moll sherri’ një vajzë, si u vra 20-vjeçari në Tiranë. Autorët i bën pritë pas pune
• Ekskluzive| Momenti kur 20-vjeçari goditet për vdekje me thikë në mes të Tiranës