Vrau nënën duke ushtruar dhunë fizike ndaj saj, vihet në pranga 35-vjeçari (Emri)

Është arrestuar këtë të diel Ndriçim Sokoli, nga Kavaja. 35-vjeçari ka ushtruar dhunë fizike ndaj nënës së tij 75-vjeçare, e cila për pasojë të dhunimit ka humbur jetën.

Në fillim u dyshua se e moshuara kishte humbur jetën për shkaqe natyrale, por ekspertiza mjeko-ligjore ka dalë në konkluzion, se 70-vjeçares i janë gjetur brinjë të thyera dhe hematoma në mushkëri. Djali i saj, autori, është shtruar disa herë në spitalin Psikiatrik.

Kjo pasi nëna i drejtohej policisë për të denoncuar dhunën e herë pas hershme të ushtruar prej tij.

Njoftimi i policisë:

Në vijim të veprimeve të thelluara hetimore të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, për zbardhjen e shkakut të humbjes së jetës së shtetases I. S., 75 vjeçe, e cila u gjet e pajetë më datë 10.02.2024, në banesën ku jetonte me djalin e saj, sqarojmë se:

Në momentet e para, nga këqyrja e jashtme paraprake e trupit të 75-vjeçares, nuk janë konstatuar shenja dhune dhe ngjarja është raportuar si vdekje natyrale.

Pas kryerjes së hetimeve të thelluara dhe ekspertizës mjeko-ligjore, është konstatuar se shtetasja I. S. kishte disa orë që kishte humbur jetën.

Gjithashtu, rezultoi se djali i saj, shtetasi N. S., i cili vuan nga sëmundje mendore, kishte ushtruar dhunë fizike ndaj 75-vjeçares, dhunë e cila i kishte shkaktuar dëmtime që kishin sjellë si pasojë humbjen e jetës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Ra nga kati i katërt i pallatit, 27-vjeçarja humb jetën në spital
• Fali të dënuarin për abuzim fëmijësh, presidentja e Hungarisë dorëhiqet: Bëra gabim