Vrau tre gra në Tiranë, lihet në burg Dan Hutra, nuk shfaq pendesë para Gjykatës

Gjykata ka vendosur masën “Arrest me burg” ndaj 40-vjeçarit i cili të mërkurën e javës së kaluar vrau tre gra në Tiranë dhe plagosi tre të tjera.

Burime për Euronews Albania, Hutra nuk ka shfaqur pendesë para Gjykatës për krimet që ka bërë.

Ai është shprehur se të gjitha vrasjet e plagosjet i ka bërë me vetdije të plotë.

“I pranoj të gjitha dhe nuk jam i penduar.”- ka deklaruar ai.

Hutra akuzohet për 5 vepra penale, ‘Vrasje në rrethana cilësuese, ndaj dy ose më shumë personave’, ‘Vrasje me paramendim’, ‘Vrasje e mbetur ne tentative’, ‘Plagosje rëndë me dashje’, ‘Armëmbajtje pa leje’.

Krimi i Dan Hutrës tronditi mbarë opinionin publik, i cili mori jetën e 3 grave dhe plagosi 3 të tjera në Tiranë.

Hutra plagosi me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Po ashtu ai vrau në Kamzë shtetasen Etleva Kurti, 31 vjeçe dhe në afërsi të mbikalimit te “Pallati me shigjeta”, ka plagosur me thikë shtetasen M. G., 40 vjece, banuese në Astir.

LEXONI GJITHASHTU: 

• Vodhën dy herë  të njëjtin lokal, vihen në pranga dy 17-vjeçarë në Tropojë
• Sekuestrohen kallashnikov dhe fishekë në Durrës, në pranga 31-vjeçari