Vrau tre të afërmit e saj me kërpurdha vdekjeprurëse, australianja shpallet fajtore

Erin Patterson, një grua 50-vjeçare nga Leongatha, rajoni i Victorias, është shpallur fajtore për vrasjen e tre të afërmve të saj dhe për tentativën e vrasjes së një tjetri, pas një drekë fatale që ndodhi në vitin 2023. Patterson kishte gatuar dhe shërbyer mish viçi Wellington në shtëpinë e saj, por më vonë u zbulua se ky ushqim përmbante kërpudha vdekjeprurëse.

Tre të afërm të Patterson vdiqën brenda disa ditësh pas drekës, ndërsa një tjetër person që mori pjesë në darkë mbijetoi, por u helmua.

Prokuroria argumentoi se Patterson e dinte që kërpudhat që kishte përdorur ishin toksike dhe se ajo i vendosi qëllimisht në ushqim, duke gënjyer më pas policinë dhe shkatërruar provat. Ata gjithashtu theksuan se ajo nuk kishte ndonjë motiv të dukshëm për veprimet e saj, duke e paraqitur veprimin si një krim të pabesueshëm dhe të pajustifikuar.

Në mbrojtjen e saj, Patterson pretendoi se përdori kërpudhat helmuese aksidentalisht dhe se gënjeu vetëm për shkak të panikut, duke kërkuar mëshirë për veprimet e saj. Megjithatë, gjykata e shpalli fajtore, duke e konsideruar këtë ngjarje si një akt të qëllimshëm dhe të planifikuar.

LEXONI GJITHASHTU:

• Përshkallëzim i luftës në Gaza: 38 të vdekur nga sulmet izraelite
• Bllokada anembanë Serbisë, protestat hynë në javën e dytë