Gjykata e Apelit të Firences në Itali ka konfirmuar dënimin me 30 vjet burg të shtetases shqiptare Elona Kaleshës për vrasjen e vjehërrve të saj, Teuta dhe Shpëtim Pasho, trupat e të cilëve u gjetën në katër valixhe në një fushë në Sollicciano në dhjetor 2020, pesë vjet pas zhdukjes së tyre.
Elona Kalesha ishte e pandehura e vetme për vrasjen e prindërve të ish-të dashurit të saj, të cilët u zhdukën në nëntor 2015 dhe eshtrat e të cilëve u gjetën në katër valixhe në një fushë midis autostradës Firence-Pisa-Livorno dhe burgut Sollicciano.
Brenda kishte mbetjet e një burri dhe një gruaje, të copëtuara dhe të mbështjella me najlon. Brenda pak ditësh karabinierët arritën të zbulonin se ato trupa i përkisnin Shpëtim dhe Teuta Pashos, një çifti shqiptar i cili ishte zhdukur që nga 1 nëntori pesë vjet më parë. Hetimi u përqendrua në rrethin familjar dhe brenda pak ditësh Elona Kalesha ishte e dyshuara kryesore; në momentin e zhdukjes ishte e dashura e djalit të Pashos, Taulantit.
LEXONI GJITHASHTU:
- Çmontohet kupola e re e mafies italiane të Cosa Nostra-s, mbi 180 të arrestuar
- Italia shqyrton një plan të ri për qendrat e pritjes së emigrantëve në Shqipëri
