Italia shqyrton një plan të ri për qendrat e pritjes së emigrantëve në Shqipëri

Pasi gjykatat italiane bllokuan zbatimin e protokollit për përpunimin e përshpejtuar të azilkërkuesve të nënshkruar mes Romës zyrtare dhe Tiranës, qeveria italiane po shqyrton një plan për të shndërruar dy qendrat italiane të pritjes në Shqipëri në qendra riatdhesimi (CPR) për t’i mbajtur ato në funksion, raportojnë sot mediat italiane.

Dy qendra në Shqipëri janë aktualisht bosh pasi gjykatat italiane nuk miratuan pritjen e tre grupeve të para të emigrantëve që u sollën atje në tetor, nëntor dhe janar, raporton ANSA.

Plani thuhet se u diskutua në një takim të mbajtur të premten e kaluar nga kryeministrja italiane Giorgia Meloni me ministrin e brendshëm Matteo Piantedossi dhe sekretarin e shtetit të qeverisë.

Plani mund të zbatohet me një dekret të ri, por, sipas mediave italiane, kabineti po shqyrton mundësinë e monitorimit të emigrantëve që aplikojnë për mbrojtje ndërkombëtare me etiketa elektronike në vend që t’i mbajë në ambiente për qëllime të veçanta, sipas të përditshmes “Messagero”.

LEXONI GJITHASHTU:

• Prokuroria në Kosovë nuk ka nisur hetime ndaj KQZ-së për problemet me sistemin
• Shpërthejnë protestat në SHBA, kundërshtohen politikat kundër emigrantëve dhe Gazës