Vuçiç i ankohet BE-së: Aleanca Kosovë-Shqipëri me rrezik për ne

25 Shkurt 2026 | 19:44

Presidenti i Serbisë, Aleksandar Vuçiç, zhvilloi së fundmi një takim me përfaqësuesin e posaçëm të Bashkimit Evropian për dialogun Kosovë-Serbi, Peter Sorensen.

Përmes një postimi në rrjetet sociale, Vuçiç theksoi sfidat me të cilat përballen qytetarët serbë në Kosovë dhe shprehu shqetësime lidhur me Ligjin për të Huajt dhe Ligjin për Automjete, të cilët do të hyjnë në fuqi më 15 mars 2026. Sipas tij, këto vendime janë “përshkallëzuese dhe thellësisht diskriminuese”.

Presidenti serb gjithashtu paralajmëroi se bashkimi i Kosovës në një aleancë ushtarake rajonale mund të rrisë tensionet dhe të kërcënojë sigurinë e qytetarëve serbë, duke iu referuar bashkëpunimit të Kosovës me Shqipërinë dhe Kroacinë në fushën e mbrojtjes.

“Theksova domosdoshmërinë për hapa konkretë drejt formimit të Asociacionit të komunave me shumicë serbe, për të cilin populli serb ka pritur 13 vjet”, shkruhet në postimin e Vuçiç.

Kujtojmë se më 23 shkurt, Sorensen ishte në vizitë edhe në Kosovë, ku u takua me kryeministrin Albin Kurti dhe zv.kryeministrin dhe ministrin e Punëve të Jashtme, Glauk Konjufca, duke diskutuar për dialogun me Serbinë dhe zhvillimet në vend.

Ligji për automjetet do të fillojë të zbatohet më 15 mars, duke kufizuar qarkullimin e automjeteve me targa të huaja në maksimum tre muaj ose vetëm me autorizim.

Home Kryefaqja
Shiko në: YouTube
Lajme të Sugjeruara

Ministri i Mbrojtjes takim me Dendias në Athinë, detaje nga agjenda

Ministri i Mbrojtjes, Ermal Nufi do të udhëtojë të hënë në Greqi ku pritet të zhvillojë një takim me homologun e tij grek, Nikos Dendias...
20:08 | 28/06/2026

Incidentet në festimet për “Vidovdan”, reagon policia e Kosovës: 37 të shoqëruar për thirrje provokuese

Policia e Kosovës ka dalë me një njoftim zyrtar lidhur me shoqërimin e disa serbëve dhe mbarëvajtjen e aktiviteteve gjatë manifestimeve për “Vidovdan”.  Policia bën...
19:30 | 28/06/2026

Serbët do të vazhdojnë protestat edhe pasi presidenti Vuçiç njoftoi se do të japë dorëheqjen

Mijëra protestues pritej të mblidheshin në qytetin serb të Kralevës të dielën, një ditë pasi Presidenti Aleksandar Vuçiç tha se do të jepte dorëheqjen, duke hapur...
18:09 | 28/06/2026