Vuçiç ka të njëjtin mentalitet si Millosheviç, thotë Osmani

Presidentja e Kosovës, Vjosa Osmani tha se homologu serb Alekandër Vuçiç ka mentalitetin e regjimit të ish-presidentit të Jugosllavisë, Sllobodan Millosheviç

Deklarata e saj, vjen pasi presidenti serb Aleksandër Vuçiç kritikoi kryeministrin e Kosovës Albin Kurti për qëndrimin e tij në lidhje me armatimin e Serbisë, raporton Kosova Press.

Osmani nënvizoi se Vuçiç ka qenë ministër i Millosheviçit gjatë kohës së luftës në ish-Jugosllavi dhe se nuk befasohet nga gjuha e përdorur prej tij.

“Aleksandër Vuçiç ka qenë ministër i propagandës gjatë luftërave në ish-Jugosllavi, të shkaktuara nga ish-shefat e tij. Ne nuk duhet të befasohemi nga gjuha e ministrit të Millosheviçit”, tha ajo.

Osmani nënvizoi se armatosja e Serbisë nga Kina, por dhe Rusia në dekadën e fundit, tregon se Beogradi nuk është i interesuar për stabilitet dhe paqe në rajonin e Ballkanit Perëndimor.

LEXONI GJITHASHTU

• Kurti: Armatosja e Serbisë, nga frika se mund të mbetet e vetmuar
• Kurti: Serbia të distancohet nga Kremlini