Vuçiç presion BE-së, Raci: Nëse Serbia nuk vetëdijesohet do të jetë problematike

Analisti Gazmir Raci ka komentuar takimin Kosovë-Serbi ditën e djeshme në Bruksel.

Në një intervistë për Euronews Albania, ai theksoi se Kosova pati një qëndrim serioz duke theksuar se tani presin qëndrimin që do të mbajë BE ndaj Serbisë.

Sipas tij nëse kjo e fundit nuk do të vetëdijesohet në lidhje me situatën do të jetë problematike.

“Dje Kosova ishte shumë serioze dhe pati qëndrim serioz karshi krerëve më kryesorë të BE. Tani do të shohim se si do të sillet BE dhe SHBA me Serbinë. Nëse ka njerëz në BE që mendojnë se Serbia do të ndryshojë kursin karshi Federatës Ruse, e kanë gabim. Me rëndësi është që Serbia të vetëdijesohet,  nëse nuk ndodh ajo që do të jetë problematike, jo vetëm për ne, por dhe për të tjerët”-tha ai.

LEXONI GJITHASHTU: 

• Dosja “Partizani”| Jamarbër Malltezi apelon masën “Arrest me burg” në Apel
• Hamasi thotë se nevojitet një armëpushim përpara se të lirohen pengjet