Të enjten, presidenti i Serbisë, Aleksandar Vuçiç ka takuar ambasadorin e SHBA-së në Serbi, Christopher Hill, me të cilin ka zhvilluar një bisedë edhe për situatën në veri të Kosovës.

Vuçiç u shpreh pas takimit me ka folur me ambasadorin për situatën e sigurisë në Kosovë, mundësitë dhe propozimet e BE-së për vazhdimin e dialogut dhe për normalizimin e marrëdhënieve me Prishtinën.

“E theksova rëndësinë e përfshirjes së SHBA-së në parandalimin e përshkallëzimit të mëtejshëm të shkaktuar nga lëvizjet pothuajse të përditshme të njëanshme dhe të paligjshme të institucioneve të përkohshme të Prishtinës dhe ritheksova domosdoshmërinë e formimit të Unionit të Komunave Serbe”, ka shkruar Vuçiç në Instagram.

Serbia mbetet e përkushtuar për ruajtjen e paqes dhe stabilitetit, por është gjithashtu e qartë në mbrojtjen e popullit të saj dhe interesave kombëtare, shtoi ai.

LEXONI GJITHASHTU:

• Tatuazhi me Adem Jasharin i merr jetën të riut në Serbi, u akuzua për terrorizëm
• Vdekja e të riut nga Kosova në burgun në Serbi, Zotaj: Pse u ndalua nga forcat serbe
• Tensione në Veri, 2 shpërthime shok bombash