Vula e PD-së nuk i kthehet Berishës, Apeli kalon çështjen për rigjykim

Gjykata e Apelit ka marrë vendimin për vulën e Partisë Demokratike. Trupa gjykuese ka vendosur që çështja të kthehet për rigjykim në Shkallën e Parë.

Seanca në Apel nisi në orën 11:00, dhe trupa gjyqësore shqyrtoi ankimimin e Alibeajt, i cili kërkoi rrëzimin e vendimit të gjyqtarit Agron Zhukri për njohjen e Kuvendit të Berishës të 11 dhjetorit 2021 si legjitim.

Indrit Sefa, përfaqësues i Partisë Demokratike të drejtuar nga Enkelejd Alibeaj tha se Gjykata e Apelit pranoi ankimin duke e kthyer çështjen për rigjykim me një tjetër trupë gjykuese.

Ndërsa, deputeti demokrat, Oerd Bylykbashi u shpreh se ndaj gjykatës u ushtrua presion dhe se ky vendim u mor që të përjashtoheshin nga zgjedhjet.